Just Read…

Kitabo ke Panne Palat ke Sochte hai,
Yu Palat jaye Zindagi to Kya Baat hai.

Tamanna jo Puri ho Khwabo me,
Haqikat Ban jae to Kya Baat hai.

Kuch Log Matlab ke Liye Dhundte hai Mujhe,
Bina Matlab koi Aye to Kya Baat hai.

Katal kar ke to Sab Le Jayenge Dil Mera,
Koi apna bana ke le Jaye to Kya Baat hai.

Jo Sharifo ki Sharafat Me na ho Baat,
Ek Sharabi keh Jaye to Kya Baat hai.

Zinda Rehne Tak to Khushi Denge Sabko,
Kisiko Meri Maut pe bhi Khushi Mil Jaye to Kya Baat hai!!!

Advertisements

Dil-E-Dastaan!

Janti hu haq nahi hai tujhpe mera,
Nahi hai koi gila shiqwa ke – tu ho na saka mera.
Tujhe paane ki thi aarzoo purani,
Aaj tooti yun, hui zaar zaar main saari.

Tujhse dil lagana na thi koi khata,
Jo mile yeh mauka Dubara karu main yeh gunaah.

Tujhse milne ki khwaish hui bhi toh aise poori, mili bhi tujhse fir bhi rahi Khwaish adhoori.

Keh bhi naa sake tujhse apne dil ka haal, kya sochoge tum… kaise karti main izhaar?

Ittefaq bhi ittefaq se hua karte hai, yeh kaisa ittefaq hai ki log milne se pehle hi bichad jate hai.
Tumhare liye nahi koi mera wajood par mere wajood se judi hai tumhari yaad.

Yeh aansu bhi kambakhat dogle hai saare, tere khushi ki aad mein mere gham ki de duhayein.

Sari zindagi tujhse milne ki fariyaad karti rahi, tujhse mil kar bhi fir milne ki aas karti rahi.
Pata nahi kyu karti hu main pyar tumse itna sara, jeena tere khyal ke bina na hoga ganwara.

Teri khushi deti thi mujhe bhi hasi, fir aaj kyu teri yeh khushi layi hai mere chehre pe udasi ki bundey kai.
Nahi hai tera koi qasoor, ilm hai yeh mujhe. Meri chahat nahi thi teri qabil, kaise kabul karu main yeh waqya.

Tujhse milne ki aas pehle bhi thi aage bhi hogi, iss zindagi se takrar pehle bhi thi aage bhi hogi, tujhse mohabbat pehle bhi thi aage bhi hogi.

Naseeb ache acho ke badalte dekhe hai, bas hum hi badnaseeb hai jinke naseeb mein chand sitaro wali raat nahi hai.

Nahi darr andhero se mujhe, nahi gham apni maut ka, tujhse bichadne ke gham se seekh jayenge, pina kadwa ghut zindagi ke vish ka

Just Read.

Just Read, Quite touchy actually.

Mila woh bhi nahi karte, Mila hum bhi nahi karte…

Wafa woh bhi nahi karte, Daga hum bhi nahi karte…

Use ruswai ka dukh, Humein tanhai ka khauf…

Gila woh bhi nahi karte, Shikwa hum bhi nahi karte…

Kisi mod par mulaqaat ho jati hai aksar, Ruka woh bhi nahi karte, Pukara hum bhi nahi karte…

Jab bhi dekhte hai use sochte hai kuch kahe usse, Suna woh bhi nahi karte, Kaha hum bhi nahi karte…

Lekin yeh bhi sach hai ki use bhi hai mohabbat humse, Bas,Inkaar woh bhi nahi karte, Izhaar hum bhi nahi karte…!!!

ZINDAGI

Zindagi tu behti jati nadi ki tarah, har mod pe mud jaati lehro ki tarah..

Zindagi tu udd jati patang ki tarah, sang le jati meri umangey hazaar..

Zindagi hai tu uss dhoop ki tarah, jiske saye mein muskurati hai meri parchai iss tarah..

Ruswaiyo ki tapan mein naa roko mujhe, na inn bediyo se jakdo mujhe, khule aasmaan mein hai aashiyaan mera, roko na dharti ab aur mujhe.

Zindagi tu hai uss madhur geet ki tarah, jisse gungunati rahu main sadha.

Naa shikhwa naa gila naa gum hoga kabhi, zindagi tujhse milan hoga ek din.

Zindagi….kuch pal ke liye tujhse alvida hum kahenge, kal ho mulakat aisi koshish zarur hum karenge….