Kora-Kora

Kora sa yeh Jeevan mera , kori si yeh kitaab hai,
Kuch bhi likhun isme, lagta sab kuch bakwas hai.

Kore se mere sapne, kore se armaan hai,
Tu jo sangh nahi, lagti Zindagi bekaar hai.

Kora sa yeh aasmaan, kori si fiza hai,
Mere dil ki dhadhkane bhi ab dhadakti kaha hai.

Kora sa sara jungle, kora sa yeh gaanv hai,
Kora sa yeh mera tann, sulagta kahan hai.

Kori si yeh raahein, raasta hi kahan hai,
Kora sa yeh mann, bahaar kahan hai.

Kora sa Gulshan, Gulfam kahan hai,
Kori si yeh kavita, mera Gulzar kahan hai?

Advertisements